Dadka u dhaqdhaqaaqa xuquuqda aadanaha ayaa hadda ku baaqaya in si degdeg ah xilka looga qaado wasiirka arrimaha dibadda Musalia Mudavadi iyo Safiirka Kenya u fadhiya Uganda Joash Maangi ka dib markii ay ku guuldareysteen inay wax ka qabtaan halka ay ku sugan yihiin Bob Njagi iyo Nicholas Oyoo.
Ururada bulshada rayidka ah ayaa sidoo kale ku andacoonaya in labada qof lagu jirdilayo xabsi keli ah oo ku yaal Uganda iyadoo maanta ay ku beeggan tahay 36 maalmood ka dib markii la afduubtay.
Ururada kale ee dhaqdhaqaaqayaasha ayaa dibadbaxyo ay la galeen asxaabtooda ku qabtay Guddiga Sare ee Uganda ee Nairobi si ay ugu cadaadiyaan mas’uuliyiinta Uganda inay sii daayaan labada qof ee ay sheeganayaan in lagu hayo Uganda.
Ururada xuquuqda aadanaha, oo sheeganaya in caafimaadka Njagi iyo Oyoo uu sii xumaanayo, ayaa sheegaya inaysan ka laaban doonin inay dalbadaan caddaaladda asxaabtooda.
Oyoo iyo Njagi ayaa la sheegay in gudaha magaalada Kampala ay rag hubeysan oo la rumeysan yahay inay yihiin saraakiisha amniga Uganda ay ka afduubteen 1-dii bishii hore ee October.
