Kenya ayaa waxaa ka socda shirweynaha 3-aad ee madaxda urur goboleedka IGAD oo looga hadlayo arrimaha shaqada, shaqalaysiinta iyo socdaalka shaqaalaha.
Madashan heerka sare ah ayaa waxaa ay isu keentay wasiiro, siyaasad dejiyeyaal iyo khubaro si ay u qaabeeyaan talooyinka siyaasadda gobolka ee dhaqdhaqaaqa shaqada, shaqa abuurista, iyo maamulka socdaalka ee gobolka IGAD.
Shirka ayaa waxaa uu doonayaa in uu wax ka qabto caqabadaha sii kordhaya ee soo food saaraya suuqyada shaqada ee guud ahaan siddeedda xubnood, oo ay ku jiraan heerka shaqo la’aanta oo sarreeya, fursadaha shaqo ee xaddidan, iyo kordhinta cadaadiska socdaalka.
Iyada oo ka hadlaysa intii lagu guda jiray kalfadhiga furitaanka, Guddoomiyaha Shaqada ee Kenya Hellen Apiyo ayaa sheegtay in shirka uu muujinayo wada shaqayn kooxeed iyo sida ay uga go’an tahay kor u qaadista socdaalka nabdoon.
Marka loo eego xogta IGAD, heerka ka qaybgalka xoogga shaqaalaha ee gobolka ayaa waxaa uu taagan yahay 69.5 boqolkiiba, iyada oo farqi muuqda oo jinsiga ah uu jiro maadaama ka qaybqaadashada haweenka ay weli tahay mid hoosaysa.
Beeraha ayaa weli ah laf dhabarta inta badan dhaqaalaha IGAD, iyadoo ay ka shaqeeyaan in ka badan 80 boqolkiiba dadweynaha. Si kastaba ha ahaatee, ku tiirsanaanta ba’an ee gobolka ee beerashada nolol maalmeedka, kobaca ganacsiga gaarka ah ee xaddidan, iyo is waafajinta u dhexeeya sahayda xirfadaha iyo baahida suuqa shaqada ayaa sii wadda inay caqabad ku noqoto isbeddelka dhaqaalaha iyo shaqo abuurka.
Nihan Erdogen oo ah ku xigeenka Agaasimaha Hay’adda Socdaalka Adduunka ee IOM ee Bariga, Geeska iyo Koonfur Afrika ayaa sheegtay in barnaamijka wadajirka ah ee dhaqdhaqaaqa xorta ah ee IGAD iyo IOM uu xoojiyay xog ururinta si loo gaaro go’aanno xog ogaal ah iyo qorsheynta socdaalka shaqada.
Khubarada shirka ayaa la filayaa inay ka tashadaan xeeladaha looga faa’iidaysan karo dhallinyarada iyo xoog shaqaale ee gobolka iyadoo kor loo qaadayo shaqo hufan iyo koboc loo dhan yahay.
Socdaalka ayaa weli ah welwelka muhiimka ah ee gobolka IGAD, kaasoo ay wadaan arrimo dhaqan dhaqaale, siyaasadeed iyo deegaan.
Kulanka ayaa gabagabadiisa laga soo saari doonaa tallooyin siyaasadeed oo lagu xoojinayo maamulka shaqada, kor u qaadida iskaashiga gobolka, iyo taageeridda dariiqyada socdaalka ee badbaadada iyo wax soo saarka leh ee guud ahaan gobolka IGAD.
Shirkan, oo bilaabmay Isniinta socon doonane ilaa Arbacada 22-ka bishan October ayaa ujeeddadiisu tahay xoojinta iskaashiga gobolka, kor u qaadista shaqo abuurka, iyo taageeridda socdaalka badbaadada iyo waxtarka leh ee dhammaan dalalka xubnaha ka ah IGAD.
