Hoggaamiyaha Xisbiga Wiper Democratic Movement Kalonzo Musyoka ayaa lagu wadaa inuu dalka ka dhoofo Arbacada maanta ah booqasho toban maalmood ah oo uu ku tagaayo Boqortooyada Ingiriiska.
Kalonzo, oo loo aqoonsaday inuu yahay musharax madaxweyne 10-kii bishan October, ayaa la filayaa inuu kulamo la yeesho hay’ado magac sare leh, siyaasad dejiyayaal, iyo xubno ka tirsan qurba joogta Kenya ka hor doorashada Guud ee 2027-ka.
Xoghayaha guud ee Wiper Shakila Cabdalla ayaa sheegtay in Madaxweyne ku xigeenkii hore ee dalka uu khudbadda ka jeedin doono shirka siyaasadda London iyo abaal marinaha, oo lagu qabanayo xarunta baarlamaanka Ingiriiska ee Westminster.
Waxaa kale oo loo qorsheeyay inuu ka hadlo Chatham House Machadka Royal ee Arrimaha Caalamiga ah.
Kalonzo ayaa sidoo kale kulan wadatashi ah la yeelan doona Xoghaynta Dowladda Dhexe.
Intaa waxaa dheer, waxaa la filayaa inuu khudbad gaar ah ka jeediyo Jaamacadda Oxford, oo ah mid ka mid ah machadyada tacliinta ee ugu horreeya adduunka, oo uu ka qaybgalo shir hoolka shirarka ah oo uu la yeelanayo qurba joogta Kenya oo halku dhiggiisa yahay ‘Kenyaada aan doonaayno’.
