Dowladda oo adeegsanaysa Maamulka Caafimaadka Bulshada (SHA), waxay ku boorrisay kenyaanka inay feejignaadaan oo ay iska hubiyaan qarashaadka ay ku bixiyaan isbitaallada uu heshiiska kala dhexeeya nidaamkan cusub.
Bayaan ay soo saartay Madaxa Fulinta ee SHA, Mercy Mwangangi, ayaa dadweynaha waxay kula talisay inay hubiyaan in booqasho kasta oo ay isbitaal ku tagaan si sax ah macluumaadka adeegga loo fidiyay loogu diiwaangeliyo hannaanka SHA isla taariikhdaasi.
Mwangangi waxay sharraxday in marka booqashada la diiwaangeliyo , in bukaannada ay heli doonaan farriin xaqiijin ah oo ugu soo dhacaysa lambarkooda taleefoonka.
Farriinta ayaa ka koobnaan doonta faahfaahinta booqashada, taas oo xubnaha bulshada lagu dhiirrigelinayo inay dib u eegaan isla markiiba si loo xaqiijiyo saxnaanshaheeda.
Kenyaanka ayaa sidoo kale la xasuusiyay in ay si taxaddar leh u eegaan biilasha isbitaalka ka hor inta aysan ka tagin xarunta si loo hubiyo in kaliya adeegyada ay heleen loo qoro laguna dallaco qarashaadka si waafaqsan qiimaha SHA ee rasmiga ah.
