Askari booliis ah oo lagu eedeeyay in uu dil bareer ah ku toogtay labo nin oo wadatay boda boda oo ku sugnaa aagga Makongeni oo ka tirsan degmada Thika West Sub-County, ayaa lagu wadaa in maanta oo Isniin ah la soo taago maxkamad.
Askariga oo magaciisa lagu sheegay Eric G. N., kana tirsan waaxda dambi baarista ee DCI, ayaa la xiray galinkii dambe ee shalay ka dib markii lagu eedeeyay in uu rasaas ku furay oo dilay Kennedy Ojuma (38 jir) iyo Stephen Mwendwa Maweu (39 jir) xili uu iska horimaad ka dhacay agagaarka Saldhigga Booliska ee Makongeni.
Labada qof ee la dilay ayaa ahaa hawl-wadeennada boda boda ee deegaanka.
