Madaxweynaha Botswana Duma Boko ayaa ku dhawaaqay xaalad degdeg ah oo caafimaadka dadweynaha Isniintii, isagoo sheegay in silsiladdii saadka caafimaadka qaranka ay fashilantay, taasoo keentay in isbitaallada iyo rugaha caafimaadka ay gabaabsi noqdaan dawooyinka iyo agabka kale ee muhiimka ah.
Boko ayaa sheegay in milatariga ay dusha kala socon doonaan gurmadka loo qaybinayo, baabuurta ugu horeysana ay ka bixi doonaan caasimadda Gaborone oo ay aadi doonaan meelaha fog fog.
Wasaaradda caafimaadka ee dalka ku yaalo Koonfur Afrika ayaa ka digtay horraantii Agoosto inay ka dhammaanayaan dawooyinka iyo saadka sababo dhaqaale oo aan la cayimin, waxayna dib u dhigtay dhammaan qalliinnada aan degdegga ahayn.
Maamulka madaxweynaha Mareykanka Donald Trump ayaa sidoo kale jaray dhaqaalihii lagu taageeri jiray waaxda caafimaadka Botswana.
