Ugu yaraan 17 ka mid ah mulkiilayaasha xarumo kala duwan ee ganacsi ayaa la xiray ka dib howlgal ay fuliyeen saraakiisha Hay’adda Qaran ee Maareynta Deegaanka (NEMA) iyo Adeegga Qaran ee Booliiska NPS.
Warbixin ay soo saartay Axadda maanta ah ayay NEMA ku sheegtay in 17-ka qof lagu xiray howlgallada ka socda deegaanada Wote, Tawa, Makindu, Kibwezi iyo Kathonzweni ee ismaamulka Makueni.
Sida ay hay’adda sheegtay, shakhsiyaadkan ayaa jabiyay shuruucdii kala duwanayd ee NEMA, oo ay ka mid ahaayeen inay ku shaqeeyaan iyada oo aan la hubin deegaanka, shatiga soo saarista wasakhda (EDL), iyo isticmaalka waraaqaha caaga ah ee la mamnuucay.
Laba ka mid ah 17-ka qof ayaa ka soo hor muuqday maxkamadda sharciga ee Makueni, halka kuwa kale ay sugayaan in maxkamad la soo taago.
Hay’addan ayaa dalka oo dhan ka waday howlgallo ay ku qabqabanayso dadka aan sharciga u hoggaansamin.
