Hoggaamiyaha xisbiga Wiper Kalonzo Musyoka ayaa si kulul u weeraray Ra’iisul Wasaarihii hore ee dalka Raila Odinga kadib markii uu u muujiyay sida uu u taageersan yahay heshiiskii garoonka caalamiga ah ee Jomo Kenyatta ee shirkadda Adani ee burburiyay.
Odinga ayaa Jimcihii sheegay inuu aad uga xun yahay in mashruucaas la joojiyo. Sida uu sheegay Odinga, baabiinta mashruucan ayaa Nairobi iyo guud ahaan dalka u diiday fursad dahabi ah oo lagu horumarinayo kaabayaasha dhaqaalaha.
Sida uu dhigayo heshiiska, Kenya ayaa waxaa ay ahayd inay JKIA ka kirayso shirkadda Adani si ay u balaariso waddada ay ku soo degaan diyaaradaha, hawlgalka, dayactirka iyo maamulka garoonka diyaaradaha iyadoo la raacayo heshiis 30 sano ah.
Kalonzo oo gelinkii dambe ee shalay ka qayb galay xaflad aas ah oo loo qabtay Mzee Samuel Gachoki Njeru ayaa dadka deegaanka ugu baaqay inay maalinta Arbacada ee Toddobaadka soo socda la xasuusta dhallinyaradii lagu laayay bannaanbixii 25-kii June 2024-ka.
