7 qof oo rayid ah oo ay ku jiraan carruur ayaa ku dhintay qarax miino oo ka dhacay deegaanka Jicibow oo qiyaastii 25 kiilomitir dhanka waqooyi kaga beegan degmada Buuloburde ee gobolka Hiiraan.
Qaraxan oo dhacay shalay gelinkii dambe, ayaa saraakiisha deegaanka waxay sheegeen in dadka dhintay oo lix rag ah iyo qof dumar ah ay ka soo jeedaan labo qoys oo beeraley ah.
Wakhtiga uu qaraxu dhacayay, dadkan ayaa dib ugu soo laabtay guryahoodii ka dib muddo dheer oo ay ka shaqaynayeen beerahooda.
Maalin ka hor ayay ahayd markii ciidamada dowladda iyo kuwa deegaanka ay kula dagaalameen maleeshiyaad ka tirsan Al-Shabaab deegaan ku dhow Beero-Yabaal.
Degaanka Jicibow oo uu qaraxu ka dhacay ayaa ka mid ah deegaanadii laga xoreeyay Al-Shabab, waxaana halkaas ka howlgala ciidamada Dowladda iyo kuwa dib u xoraynta Hiiraan.
Horaan, 22 carruur ah ayaa ugu geeriyooday qarax miino oo ka dhacay deegaan Al-Shabaab ay maamulaan oo hoos yimaada degmada Jannaale ee Shabeellada hoose.
