Hoggaamiyaasha siyaasadeed ee ismaamulka Kisii oo uu hor kacaya barasaabka dowlad deegaankaasi Simba Arati ayaa sheegay inay diyaar u yihiin la shaqeynta maamulka haya talada dalka.
Waxay siyaasiyiintan hoosta ka xarriiqeen inay madaxweyne William Ruto garab ku siin doonaan sidii shacabka ismaamulkaasi ay uga faa’iidaysan lahaayeen mashariicda horumarineed.
Simba Arati ayaa xusay in maamulkiisa uu dib u eegis ku sameynaya qorshaha horumarineed si loo waafajiyo barnaamijyada dowladda dhexe.
Wasiirka wasaaradda waxbarashada ee dalka Mr.Ezekiel Machogu ayaa dhankiisa dadweynaha ku nool ismaamulka Kisii ku boorriyey inay taageeraan ajeendayaasha horumarka ee dowladda .
My administration will continue seeking meaningful and collaborative engagements with the National Government and development partners as we seek to improve the livelihoods of our people. pic.twitter.com/ALO14oS2fg
— Simba Arati (@SimbaArati) March 23, 2023
