Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Madaxweynaha dalka oo sheegay in Covid-19 uu qaaradda u horseeday faqri aad...

Madaxweynaha dalka oo sheegay in Covid-19 uu qaaradda u horseeday faqri aad u daran

Madaxweynaha dalka Mr. Uhuru Kenyatta ayaa sheegay in aafada Covid-19 ay sii xumaysay saameynta isbedeelka cimilada ee dhaqaalaha Afrika.
Waxaa uu xusay in dhaqaalaha guud ee loo yaqaano GDP ee qaaradda ay markii ugu horreysay muddo 25 sano ah hoos u dhacday in ka badan saddex boqolkiiba sanadkii 2020-kii.
Waxaa uu carabka ku dhuftay in Afrika ay tahay mid ka mid ah qaaradaha ugu nugul caalamka isbeddelka cimilada islamarkaana xaaladda ay sii xumaysay Covid-19.
Mr. Kenyatta ayaa sidoo kale sheegay in qaaradda ay wajaheyso dhibaatooyin dhanka caafimaadka, dhaqaalaha, iyo dhibaato xagga cuntada ah, iyadoo isbeddelka cimilada uu sabab u yahay dhibaatooyinkan.
Waxaa uu sidoo kale xusay in in ka badan 40 milyan oo Afrikaan ah u Covid-19 u horseeday faqri aad u daran.
Waxaa uu intaa ku daray in waddamada Afrika ay u baahan doonaan horumarin xagga helitaanka maaliyadeed ah si dhaqaalahooda uu dib u soo kabto.
Hadalkan ayuu Mr. Uhuru Kenyatta ka jeediyay xalay fiidki madaxtooyada wadanka looga arrimiyo ee State House xilli uu ka qayb galay kulan dhanka fogaal-aragga ah oo looga hadlay isbeddelka cimilada oo ay soo abaabuleen xarunta caalamiga ee la qabsashada ee (GCA) iyo bangiga horumarinta Afrika ee (AfDB).

LEAVE A REPLY

Please enter your comment!
Please enter your name here

- Advertisment -

Most Popular

Recent Comments