Booliiska Malindi ayaa xiray 18 tuhmane ka dib howlgal lagu bartilmaameedsaday kooxo dambiilayaal ah oo lagu eedeeyay inay argagax galiyeen dadka deggan magaalada iyo agagaarkeeda.
Howlgalkan, oo laga sameeyay aagagga Muyeye iyo Milano, ayaa horseeday in la soo qabto dhowr alaab oo la xaday, oo ay ku jiraan taleefannada gacanta iyo telefishin, iyo sidoo kale hub la rumeysan yahay in loo isticmaalay falal dambiyeedka tuhmanayaasha.
Eedeeysanayaasha ayaa hadda ku jiraan xabsiga booliiska iyadoo baaritaannada ay socdaan, ka hor inta aan la soo taagin maxkamadda.
Dhanka kale, Adeegga Qaran ee Booliiska NPS ayaa ku cceleliyay ballanqaadkiisa ah inuu ilaalinayo nolosha iyo hantida inta lagu jiro xilliga ciidaha, isagoo shacabka u xaqiijinaya tallaabooyin amni oo la xoojiyay si loo hubiyo dabaaldegyo nabdoon oo ka dhaca guud ahaan dalka.
