Hoggaamiyaha qaranka oo xalay wareysi gaar ah siyay telefishenada maxalliga ah xilli uu ku sugnaa aqalka yar ee madaxtooyada ee deegaanka Sagana ee ismaamulka Nyeri ayaa ku andacooday in ku xigeenkiisii hore Rigathi Gachagua uu ka dalbay lacag dhan 10 bilyan si uu ugu fudeediyo dadka ka soo horjeeda ajendihiisa siyaasadeed ee gobolka Mt. Kenya.
Ruto ayaa sheegay in tallabadaas ay eheed mid asaga lagu wiiqaayay mashaaricdiisa horumarineed ee dalka.
Arrintan ayuu u sababay inay ku kaliftay inuu xilka ka qaado madaxweyne ku xigeenkii hore ee waddanka.
Madaxweynaha ayaa sidoo kale sheegay in xiriirka uu la leeyahay shacabka gobolka uusan soo billaabmanin 2-dii sane ee la soo daafay.
William Ruto ayaa wareysiga shaaca uga qaaday in markii uu la tashaday madaxda gobolka bartamaha dalka ay u doorteen Prof. Abraham Kithure Kindiki balse uu u sheegay inuu dalka ku qanceynin hoggaamiye da’ yar oo sidaas darteed uu Gachagua ku qaabilay.
