Ku xigeenka madaxweynaha dalka Prof. Kithure Kindiki ayaa bogaadiyay kulankii ay shalay yeesheen madaxweynaha waddanka Dr. William Ruto iyo hoggaamiyihii hore ee qaranka Uhuru Kenyatta.
Waxaa uu tallaabadaasi ku tilmaamay mid sii xoojinaysa midnimada qaran iyo horumarka.
Kindiki ayaa hoosta ka xarriiqay in xiriirka wanaagsan ee ka dhexeeya Ruto iyo Uhuru uu horseedaya in diiradda la saaro waxyaabaha mudnaanta leh ee dhanka horumarka iyo xasilloonida.
Madaxtooyada dalka ee State House ayaa sheegtay in kulanka labada mas’uul ee ka qabsoomay hooyga madaxweynihii hore ee dalka Uhuru Kenyatta ee deegaanka Gatundu ee ismaamulka Kiambu looga hadlay arrimo qaran iyo kuwo gobol oo muhiim ah.
