Ra’iisul wasaaraha Xukuumadda Federaalka ee Soomaaliya Xamse Cabdi Barre ayaa maanta magacaabay ra’iisul wasaare ku xigeen labaad oo ay yeelaneyso Xukuumaddiisa.
Wareegto ka soo baxday Xafiiska ra’iisul wasaare Xamse ayaa Cabdisalaan Cabdi Cali oo ahaa wasiirka howlaha guud ee Xukuumadda Federaalka ee Soomaaliya loogu magacaabay inuu noqdo ra’iisul wasaare ku xigeenka labaad ee Xukuumadda.
Afhayeenka xukuumadda Soomaaliya Farxaan Maxamad Jimcaale ayaa warbaahinta u akhriyay xubnaha wasiirrada cusub.
Xukuumadda Xamse Cabdi Barre ayaa noqotay Xukuumaddii u horreysay oo yeelatay ra’iisul wasaare ku xigeen labaad, tan iyo wixii ka dambeeyay dowladdii ku meel gaarka ahayd.
