Wasiirka wasaaradda gaashaandhigga ee dalka Aadan Barre Ducaale ayaa sheegay in uunan marnaba garab siinayn wax liddi ku ah diinta islaamka iyo jiritaanka bulshada .
Arrintan ayuu xusay xilli uu muujinayay mowqifkiisa ku aaddan qaadka Mogokaa ee laga mamnuucay saddex ka mid ah ismaamullada gobolka Xeebta.
Waxaa uu dhanka kale madaxda ugu baaqay in ay gacan furnaadaan oo ay hantidooda ku taageeraan diinta.
Baaqan ayuu jeediyay xilli uu shalay galab marti sharaf ka ahaa munaasabad ay wakaaladda horumarinta iyo kobcinta aadanaha ee (HGDA) ay daar waqaf ah uga hirgelinaysay xaafadda Islii ee ismaamulka Nairobi.
Wasiirka ayaa qoraal ku sheegay in wakaaladda HGDA ay taageerto 26 madarasooyin ah oo ay wax ka bartaan ugu yaraan 6,200 oo arday ah iyadoo ay hay’addan shaqaaleysiisay 198 oo macallimiin ah.
Wasiirka difaaca ee dalka Aadan Barre Ducaale ayaa laga soo xigtay in hay’addan ay bishiiba 3.6 milyan oo shilin ku bixiso howlaha mushaaraadka.
Daarta xariga laga jaray oo ka kooban ilaa 8 dabaq ayaa dakhliga ka soo xaroodo lagu taageeri doonaa adeegyada bulsho ee ay fidiso HGDA.
