Waxaa saameynta daadadka ka dhashay roobabka culus ee da’ay si wayn looga dareemaya tuulada Chalaluma ee ismaamulka Lamu ee gobolka Xeebta.
Shacabka tuuladaasi ku nool ayaa walaac ka muujinaya in ku dhawaad labo toddobaad ay xannibmeen oo aynan tuuladaasi ka bixi karin sidoo kalena la soo geli karin.
Daadadka ayaa si gaar ah u saameeyay waaxyaha caafimaadka iyo waxbarashada maadaama qaar ka mid ah macallimiinta iyo dhakhaatiirta oo deggan duleedka tuuladaasi ay ku adkaatay in ay soo gudbaan iyadoo weli baaxadda fatahaadda ay sii kordhaysa.
