Iyadoo maanta loo dabbaal degaya maalinta caalamiga ee xurriyadda saxaafadda ayaa waxaa duullaanka ay Israa’iil ka wado Qaza bishii Toddobaad lagu dilay ugu yaraan 100 wariyaal ah.
Suxufiyiintan ayaa u badan kuwo dhalasho ahaan ka soo jeeday dalka Falastiin.
Waxaa arrinkan shaaca ka qaaday guddiga badbaadinta wariyaasha (CPJ) iyo xiriirka caalamiga ee suxufiyiinta ee (IFJ).
Xafiiska warfaafinta ee Qaza ayaa dhankiisa tirada wariyaasha ee la dilay laga soo billaabo 7-dii bishii Tobnaad ee sanadkii 2023-kii ku sheegay in ka badan 140 qof.
Dhanka kale waxaa muddadan gudaheeda la dilay ugu yaraan 34,596 qof oo Falastiiniyiin ah halka la dhaawacay 77,816 kale.
Waxaa weli la la’yahay in ka badan 8,000 oo dheeraad ah.
