Xildhibaanka laga soo doortay deegaan baarlamaaneedka Kathiani ee ismaamulka Machakos, Robert Mbui ayaa ku baaqay in shaqada laga joojiyo wasiirka wasaaradda maaliyadda iyo qorsheynta dhaqaalaha wadanka Prof. Njuguna Ndung’u.
Waxaa uu baaqiisa ku saleeyay in wasiirka uu ka dib dhacay bixinta lacagaha sanduuqa qaran ee horumarinta deegaannada ee NG-CDF, madaama lacagahaasi ardayda deeqaha waxbarasho looga bixinaya.
Xildhibaanka ayaa xusay in waalidiin badan ay ku adkaatay in carruurtooda ay geeyaan dugsiyada sare.
Waxaa uu xusay in haddii aan lacagaha CDF-ta la soo saarin, in arday badan aynan fursad u heli doonin inay ku biiraan dugsiyada sare.
Xildhibaanka ayaa sheegay in mudanayaasha baarlamaanka ay guda geli doonaan mooshin xilka looga qaadayo wasiirka haddii uunan sida ugu dhaqsiyaha badan u bixin lacagaha lagu horumariyo deegaannada.
