Weerar ay Israa’iil ka gaysatay Daanta Galbeed ee la haysto ee dalka Falastiin ayaa waxaa lagu dilay ugu yaraan 4 ruux oo Falastiiniyiin ah.
Wararka ayaa intaasi ku daraya in 15 ruux oo kale lagu dilay duqeyn ay Israa’iil ku bartilmaameedsatay guri ku yaalla magaalada Deir el-Balah ee bartamaha Qaza.
Dhanka kale waxaa tan iyo 7-dii bishii Tobnaad ee sanadkii hore , xabsiyada Israa’iil ku dhex geeriyooday 7 qof oo Falastiiniyiin ah.
Kooxaha u doodo xuquuqda maxaabiista ee Falastiin ayaa geeridan ku tilmaamay khaarijin.
Weerarrada Israa’iil ee Qaza tan iyo 7-dii Oktoobar ee sanadkii hore waxaa lagu dilay ku dhawaad 22,000 oo Falastiiniyiin ah halka 57,697 kalena lagu dhaawacay.
