Wasiirka wasaaradda arrimaha gudaha iyo maamulka qaran Prof. Kithure Kindiki ayaa sheegay in la xalliyay dib u dhac ku yimid soo saaridda baasaboorka dalka.
Bayaan uu soo saaray ayuu ku xusay in saddexdii bilood ee la soo dhaafay la qaaday tallaabooyin waawayn oo lagu xaqiijinaya in dadka codsada baasaboorka wadanka ay helaan xilliga habboon.
Kindiki ayaa caqabadda jirtay u aaneeyay in la waayay documeentiga laga soo saaro baasaboorka iyo cillad ku timid qalabka daabacaadda ee waaxda socdaalka .
Wasiirka ayaa intaasi ku daray in waaxda socdaalka ee dalka in lagu wareejiyay 50,000 oo ah dokumeentiyada baasaboorka ee ka kooban 34 bog.
Waxaa uu sidoo kale sheegay in toddobaadka soo socdo la rajeynaya in la helo 200,000 oo buugaagtan ah.
Wasiirka ayaa sheegay in wixii hadda ka dambeeya marka uu qofka codsado jinsiyadda dalka , degganaanshaha iyo oggolaanshaha shaqo in codsigiisa lagu ansixinaya 21 cishe gudaheeda.
Kindiki ayaa laga soo xigtay in toddobaadkii hore uu ansixiyay codsiyada baasaboorka oo gaaraya 1,698 kuwaasoo la gudbiyay intii u dhexeysay sanadihii 2018-kii ilaa 2022-kii.
To clear current backlog in issuance of e-passports, @ImmigrationDept has received 50,000 booklets; a further 200,000 will be availed monthly for the next 6 months in line with the target of trippling the number of Kenyan passport holders from 3.5 million to 10 million by 2028. pic.twitter.com/kyayzVSkDg
— Ministry of Interior | Kenya (@InteriorKE) February 4, 2023
