Wasaaradda gaashaandhigga ee dalka Ruushka ayaa sheegtay in 89 ka mid ah ciidamadeeda qalabka sida lagu dilay weerar Axadii la soo dhaafay lala eegtay xero militari oo ku taalla magaalada Makiivka ee wadanka Ukraine.
Warbixintii hore ee wasaaradda ayaa tilmaamaysay in 63 sarkaal la dilay ka hor inta aynan tiradu sii kordhin.
Dowladda Ukraine ayaa dhankeeda sheegtay inay weerarkaasi uga takhalustay 400 ka mid ah militariga xukuumadda Moscow.
Tani ayaa imaanaysa iyadoo duullaanka militari ee uu Ruushka ku qaaday Ukraine 24-kii bishii labaad ee sanadkii hore uu hadda maraya bishii 11-aad oo xiriir ah.
