Siddeed xubnood oo uu ka mid yahay barasaabkii hore ee ismaamulka Kisii, James Ongwae ayaa loo soo magacaabay inay ka mid noqdaan guddiga adeegga baarlamaanka ee PSC.
Waxaa codsiyada arrinkan ku aaddan dirsaday ilaa 171 qof.
Toddoobada qof ee kale ayaa ah guddoomiyaha xisbiga UDA Johnson Muthama, xildhibaankii hore ee deegaanka Kiminini Chris Wamalwa, mudanihii hore ee deegaanka Aldai ,Cornelly Serem, xildhibaankii hore ee Limuru Peter Mungai, David Were oo horay baarlamaanka ku matalayay deegaanka Matungu, guddoomiyihii hore ee golaha ismaamulka Kwale ,Sammy Nyamawi Ruwa iyo John Aruma Ekale.
Karraaniga aqalka sare , Jeremiah Nyegenye ayaa bayaan ku sheegay in shakshiyaadkan la turxaan bixin doono 30-ka bishan Diseembar.
Dadweynaha ayaa loogu qaabay inay soo gudbiyaan macluumaadka ay hayaan ee la xiriira Siddeeda qof si loo hubiyo inay u qalmaan xilalka loo magacaabay iyo in kale.
Macluumaadkan ayaa xafiiska karraaniga aqalka sare ee dalka loo gudbin karaa ugu dambeyn 5-ta galabnimo ee 29-ka bishan.
