Wasiirka wasaaradda waxbarashada ee dalka , Ezekiel Machogu ayaa maanta si rasmi ah u shaaciyay natiijadii ka soo baxday imtixaanaadka fasalka Siddeedaad ee dugsiyada hoose dhexe ee KCPE-da oo ay ardayda u fadhiisteen dabayaaqadii bishii hore.
Wasiirka oo natiijada ku soo bandhigay xarunta dhexe ee golaha imtixaannada qaran ee (KNEC) ee ismaamulka Nairobi ayaa sheegay in ardaygii ugu horreeyay uu helay 431 dhibcood halka laga doonayay 500.
Hasa ahaate ma uunan shaacin magaca ardayga tani oo ka duwan sida uu horay dhaqanku ahaa.
Ezekiel Machogu ayaa waalidiinta u sheegay inay natiijada carruurtooda ku baari karaan inay nambarkii lagu diiwaangeliyay ardayga oo dhameystiran oo ay weheliso KCPE ay farriin gaaban ahaan ugu diraan nambarka 20076.
Wasiirka waxbarashada ayaa intaasi ku daray in aqlabiyadda ardayda oo ah boqolkiiba (50.2 ) ay soo hooyeen dhibco u dhexeya 200 ilaa 299 .
Waxaa buundooyin ka sarreeya 400 helay arday ay tiradooda kor u dhaafaysa 9,443 tani oo u dhiganta boqolkiiba 0.01.
Inta u dhexeysa 300 ilaa 399 dhibcood waxaa helay arday dhan 307,756 tani oo u dhiganta boqolkiiba 24.94.
Sidoo kale dhibcaha 100 ilaa 199 waxaa helay arday gaaraya 296,336 halka ardayda imtixaanka KCPE-da ee natiijadiisa maanta la shaaciyay ka soo hooyay dhibco ka hooseeya 100 ay triradoodu tahay 724 sida laga soo xigtay wasiirka tacliinta ee Kenya.
Natiijada KCPE ayaa laga qaadan doonaa xarumaha waxbarashada ee deegaannada.
Sidoo kale maamulayaasha dugsiyada hoose dhexe ee wadanka ayaa natiijada ardayda kala degi karo barta online-ka ee golaha imtixaanaadka qaran ee KNEC ee ah (www.knec-portal.ac.ke).
Falcelinta la xiriirta natiijada KCPE-da iyo faahfaahinta dhanka waqooyi bari wararka dambe ee idaacadda ayaad ku dhageysan doontaan.
Waxaa sanadkan imtixaanka KCPE-da u fadhiistay arday dhan 1,244, 188 halka ardayda sameeyay imtixaanka fasalka 6-aad ee dugsiyada hoose dhexe ay ahaayeen 1.2 milyan.
Imtixaannada KCPE iyo KPSEA ayaa la sameeyay 28-kii ilaa 30-kii bishii hore ee 11-aad ee sanadkan.
Tirada guud ee ardayda imtixaannadan u fadhiistay ayaa ahayd 2.5 milyan.
CS for @EduMinKenya Ezekiel Machogu says he has formed a committee to develop guidelines to ensure seamless transition of grade six learners to junior secondary school. He spoke during the release of #2022KCPE results in Nairobi today. pic.twitter.com/mrW1G5LLYy
— EduMinKenya (@EduMinKenya) December 21, 2022
CS for @EduMinKenya Ezekiel Machogu just released #2022KCPE results and has asked parents to access their children's KCPE results by sending their full index number followed by KCPE to 20076. pic.twitter.com/riu2IKz9tB
— EduMinKenya (@EduMinKenya) December 21, 2022
PS for Basic Education Dr Belio Kipsang says all #2022KCPE candidates, whose results @EduMinKenya is set to release, will transit to form I under the 100% transition policy. He spoke at Mitihani House on Denis Pritt Road in Nairobi. pic.twitter.com/QMOpEycMbZ
— EduMinKenya (@EduMinKenya) December 21, 2022
