Dowladda Iiraan ayaa u yeertay safiirka halkaasi ku matalo Shiinaha.
Tani ayaa timid ka dib markii xukuumadda Beijing ay soo saartay bayaan muran dhaliyay oo ku saabsan heshiis ay la gashay dowladaha Carbeed.
Heshiiska oo arrimo badan taabanaya ayaa waxaa qayb ka ah ilaa saddex jasiiradood oo lagu muransan yahay.
Jimcihii ayay ahayd markii madaxweynaha Shiinaha Xi Jinping uu safar ku tagay Sacuudi Carabiya.
Waxaa uu sidoo kale halkaasi kulan kula qaatay madaxda waddamada xubnaha ka ah golaha iskaashiga khaliijka ee (GCC) .
Bayaan ay si wadajir ah u soo saareen ayay ku xuseen qodobbo si toos ah u taabanaya arrimaha Iiraan sida barnaamijkeeda nukliyeerka.
Tani ayaa keentay in xukuumadda Tehran ay u yeerto safiirka Shiinaha Chang Hua si mowqifka dowladiisa uu u faahfaahiyo.
Waxaa tallaabadan xaqiijiyay afhayeenka wasaaradda arrimaha dibadda ee Iiraan Nasser Kanaani .
