Alle ha u naxaristee waxaa gor dhaweyd magaalada Muqdisho ee caasimadda dalka Soomaaliya cudurka Covid-19 ugu geeriyootay fanaanad Faadumo Cali Nakruuma.
Saraakiisha caafimaadka ayaa waxaa ay xaqiijiyeen in Faadumo Cali Nakruuma ay u geeriyootay cudurka safmarka ee Covid-19 oo maalmihii la soo dhaafay ay la jiiftay Isbitaalka.
Faduma Cali Nakruumo ayaa ka mid ahayd fanaaniinta qaranka Soomaaliyeed waxayna Kooxda Ciidamada Kooxa ku biirtay bilowgii fangeeda ayadoo qaaday Heeso wadani u badan.
Sanadkii 1964 ayay ku biirtay Kooxda hobollada Waabari ee Qaranka Soomaaliyeed ayadoo Xiligii Burburka dalka Maraykanka Gashay balse dib u soo kabashada Soomaaliya ayay dalka dib ugu soo laabatay ayadoo Sanadihii la soo dhaafay ku sugnayd Magaalada Muqdisho ee Caasimadda dalka Soomaaliya.
Horay Cudurka Coronavirus waxaa muqdisho iyo dalka dibadiisa ugu geeriyooday dad isugu jira Fanaaniin, Ciyaartooy iyo Masuuliyiin xilal ka soo qabtay Dalka Soomaaliya.
Mas’uuliyiin ka tirsan dowladda Soomaaliya ayaa ka tacsiyadeeyay geerida fanaanadii Canka aheyd ee Faadumo Cali Nakruuma oo Maanta ku geeriyootay muqdisho, iyaga oo Alle uga baryaya in uu Naxariistee janno ka waraabiyo.
