Golaha Midowga Musharaxiinta Soomaaliya ayaa kadib Go’aamo dowlada Soomaaliya oo looga hortagayo faafitaanka Cudurka Covid 19 waxya sheegeen inuusan waxba iska badalin go’aanka Banaanbaxa ay maalinka Jimcaha ah ku baaqeen.
Daahir Maxamuud Geelle oo ka mid ah Xubnaha Midowga Musharaxiinta ayaa sheegay in banaanbaxaan yahay mid Nabadeed dowlada iyo Hay’daha amaankana looga baahan yahay inay shacabka Fursad u siiyaan inay aragtidooda cabiraan isagoo dhanka kalena dowlada dhexe ee Soomaaliya ku eedeeyay inay Cudurdaar ka dhigayso inaan la isku imaan Karin cudurka jira awgiisa.
Shir ay Shalay isugu yimaadeen Wasiirada wasaaradaha qaabilsan ka hortagga Cudurka Coronaviur ayaa waxaa Warbixino looga dhageystay bahda Caafimaadka Soomaaliya, taasoo ku saabsan cudurka safmareenka ah ee Coronavirus.
Wasiirka Wasaaradda Warfafinta Xukuumadda Fedraalka Soomaaliya Cismaan Abuukar Dubbe ayaa faah faahin ka bixiyay Go’aano kasoo baxay dowladda Soomaaliya oo la xiriira cudurka Coronavirus, oo maalmihii la soo dhaafay kiisas cusub laga helay Soomaaliya, waxaana Go’anada kamid ah.
1: In dhamaan la fasaxay Shaqaalaha dowladda marka laga reebo kuwa muhiimka u ah Shaqada.
2: In Shaqaalaha & dadka kale ay xirtaan afxirka ee ( MASKA) sidoo kalena ay badiyaan kala foganshaha.
3: In la yareeyo isku socodka dadka sida safarada, sidoo kale masaajida lagu dadaalo kala foganshaha iyo xirashada afdaboolka.
4: Dhamaan Ciidamada Ammaanka ayaa lagu amray inay fuliyaan go’aanada kasoo baxay dowladda Soomaaliya.
