Laga billaabo maanta waxaa dalka Baxrayn ka dhaqan galaya go’aan muddo labo toddobaad ah aan salaadaha jamaacada lagu tukan doonin masaajidda.
Wakaaladda wararka ee BNA ayaa ku warramaysa in sidoo kale munaasabadaha diimeed aan lagu dhex qaban doonin masaajidda.
Muslimiinta dalkaas ku nool ayaa khudbadda Jimcada kala socon doono xarunta Axmed Al-Fatex oo si toos ah u siidayn doonto
Wasaaradda cadaaladda , arrimaha diinta iyo awqaafta ee Baxrayn ayaa sheegtay in go’aankan lagu saleeyay soo jeedinno ka yimid guddiga qaran ee caafimaadka ee loo xilsaaray cudurka COVID-19 .
Ujeedooyinka laga leeyahay waxaa ka mid ah in la badbaadiyo dadka da’da ah ee cudurka u nugul.
Waxay wasaaraddu sheegtay in ay amarkan dib u eegis ku sameyn doonto iyadoo lagu saleynaya waxyaabaha soo kordho .
