Wasiirka wasaaradda tacliinta ee dalka Prof. George Magoha ayaa sheegay in waalidkii uu canuggiisa gubo dugsi laga qaadi doono qarashaadka ku baxaya dib u dhiska xaruntaasi.
Ka dib markii ay kordheen dhacdooyinka xarumaha waxbarashada ee dabka la qabadsiinaya ayay wasaaradda tacliinta shaacisay in ardayda laga billaabo 19-ka bishan ay aadi doonaan fasax maalmo kooban ah.
Magoha ayaa hoosta ka xarriiqay in dhammaan dugsiyada ilaa iyo hadda la gubay qarashaadka laga qaadi doono waalidiinta .
Waxaa uu ku celceliyay in waalidku ay mas’uuliyad ka saaran tahay inuu wanaajiyo habdhaqanka canugiisa.
Wasiirka ayaa dhanka kale tilmaamay marka la eego dhacdooyinka sida ay isku soo tarayaan , inuu jiro qorsho la doonayo in dhaqaale ahaan looga faa’iidao dhibaatadan maadaama xarumaha gudbtay dib loo dhisi doono.
