Wasiirka Xanaanada Xoolaha Dhirta iyo Daaqa ee dowladda federaalka soomaaliya Xuseen Maxamuud Sheekh Xuseen ayaa Saddex diyaaradood oo waday deeq raashin ah gaarsiiyay Degmada Diinsoor ee gobolka Bay isagoo warbaahinta faahfaahin ka siiyay gargaarkan.
Guddoomiyaha degmada Diinsoor Cabdisalaan Xaaji Siidoow iyo qaar ka mid ah bulshada danyarta ah ayaa wasiirka iyo madaxweynaha Koonfur Galbeed Cabdicasiis Xasan Maxamad Lafta gareen uga mahadceliyay deeqdan oo ay sheegeen inay ku soo aadday xilli aad loogu baahnaa.
Dhanka kale ciidamada daraawiishta Koonfur Galbeed iyo kuwa AMISOM oo uu kulan la qaatay wasiirka ayaa dowladda federaalka soomaaliya ka codsaday inay xuquuqdooda u dhameystirto
Wasiirka xannaanada xoolaha ee soomaaliya Xuseen Maxamuud Sheekh Xuseen ayaa ugu dambeyn ciidamada ku dhiirigeliyay in ay sii wadaan dadaalkooda sugidda amniga
