Waaxda dambi baarista dalka ee DCI-da ayaa xaafadda Kileleshwa ee magaalada Nairobi ku qabtay saddex eedeysanayaal oo la rumeysan yahay in ay qayb ka yihiin dadka sameeya lacagaha been abuurka ah.
Waxaa eedeysanayaasha magacyadooda lagu sheegay Cabdulasis Ibraahim Xasan oo 54 sano jir ah, Dorcas Ntoya oo 34 iyo Arum Bob Busimbi oo da’adiisu lagu sheegay 26 sano jir ah.
Sida laga soo xigtay waaxda DCI -da, saddexda eedeysane ayaa lagu helay lacago been abuur ah oo ah kuwa la dhaqo.
Lacagaha lagu qabtay ayaa ah kuwa gudaha iyo dibadda.
