Madaxweynaha dalka oo 60 guri ku wareejiyay saraakiisha Booliska ee Chuka ismaamulka Tharaka Nithi

0
341

Madaxweynaha dalka William Ruto ayaa si rasmi ah ugu wareejiyay 60 guri ciidamada Booliska ee ka hawlgala Saldhigga Booliska Chuka ee hoos yimaada degmada Igambang’ombe, ee maamul goboleedka Tharaka Nithi.
Mashruucan ayaa waxaa fulisay Wasaaradda Dhulka, Hawlaha Guud, Guryeynta iyo Horumarinta Magaalooyinka dalka.
Tani ayaa la sheegay iney wax weyn ka tari doontao Xaaladda nololeed ee Saraakiisha Booliska.
Madaxweyne Ruto waxa uu muujiyay sida uu ugu faraxsan yahay dhamaystirka mashruucan, isagoo ku tilmaamay inuu yahay qorshe muhiim u ah dowladda kaasi oo lagu dhisayo 27,000 oo guri oo loogu talagalay saraakiisha booliska dalka oo dhan.
Sidoo kale, madaxweynuhu waxa uu dhagax-dhigay dhismaha Mashruuca Guryaynta ee Chuka oo ka kooban 385-qaybood.
Madaxweynaha dalka William Ruto ayaa maanta la filaya in uu soo gabagabeeyay booqashadiisa uu ku marayo gobolka bartamaha ee dalka.