Madaxweynaha Maraykanka Donald Trump ayaa saxiixay amar madaxweyne oo ka dhan ah maxkamadda caalamiga ee dembiyada dagaalka ee ICC-da.
Amarkan ayaa cunaqabateyn dhaqaale iyo mid dhanka safarrada ah ku soo rogaya shakhsiyaadka qaybta ka ah baaritaannada ay maxkamaddu ku sameynaysa muwaadiniinta Maraykanka iyo saaxiibbadiisa oo ay Israa’iil ka mid tahay.
Maxkamadda ICC-da ayaa ku howlan baaritaannada la xiriira xasuuq shacab oo ay Israa’iil ka gaysatay Qaza.
Waxay maxkamaddu horay u soo saartay amar lagu soo xiraya Ra’iisul Wasaaraha Israa’iil Benjamin Netanyahu iyo xubno kale oo ka tirsan maamulkiisa.
