Warbaahinta dowladda Syria ayaa ku warramaysa in ugu yaraan shan qof ay dhinteen ka dib markii Israa’iil ay duqeyn ka fulisay caasimadda dalkaasi ee Dimishiq.
Weerarka oo ahaa mid dhanka cirka ah ayaa waxaa ku dhaawacmay 15 qof oo dheeraad ah halka guriyo dhowr ah ay ku burbureen.
Duqeynta oo la gaystay aroornimadii hore ee maanta ayaa saameysay xaafadda Kafr Sousa ee bartamaha Damascus.
Wakaaladda dowladda Syria ee SANA oo soo xiganaysa ilo wareeydo militari ayaa qortay in shanta qof ee dhimatay uu ka mid yahay sarkaal militari.
Israa’iil oo lagu eedeyay weerarkan ayaan weli ka hadlin.
Duqeyntan ayaa ku soo beegmaysa wax ka badan hal bil markii weerar kale lagu bartilmaameedsaday gagida caalamiga ee diyaaradaha ee Damascus halkaasi oo lagu dilay afar qof oo labo ay ahaayeen saraakiisha difaaca.
