Ayuub Rashiid Mwariyoko waa nin da’da dhexdhexaadka ah oo muddo 2 sano ah qabo nooca cudurka Kansarka ee saameeya dhiigga, waxaana uu ka soo jeeda qoys danyar ah.
Waxaa uu muddo jiifa Isbitaalka qaran ee Kenyatta ee magaalada Nairobi, islamarkaana qarashaad badan lagu leeyahay.
Istuudiyaha Idaacadda ee magaalada Nairobi ayay inagu soo booqatay ina adeertiisa oo lagu magacaabo Faadumo Maxamad Mwariyoko oo muddo xaaladdiisa la daala dhaceysay.
Waxaa ay ka warrantay xaaladdiisa caafimaad iyo caawimaadda ay bulshada uga baahan yihiin.
Waxaa sidoo kale inoo warramay Cabdullaahi oo daris la ahaa ninka xanuunsan, islamarkaana xaaladdiisa caafimaad la socday
Si loo caawiyo gabadha aad codkeyda dhageysateen ee uu walaalkeeda ka xanuunsan yahay waxaa lagala xiriiri karaa nambarrada kala ah +254721630026 iyo +254716136913
