Hay’adda qaramada midoobay ee arrimaha haweenka ee UN Women oo kaashanaysa shirkadda Honda Kenya ayaa tababar u sameysay 30 ka mid ah wadayaasha mootooyinka oo ku ganacsado magaalada Kakuma ee ismaamulka Turkana.
Tababarka ayaa ku saabsanaa badqabka la xiriira wadidda dhugdhugleyda , ka hor tagga iyo ka falcelinta tacaddiga jinsiyadeed.
Wadayaasha mootooyinka ayaa la fahansiiyay adeegyada lagula tacaalo xadgudubyada jinsiga , meelaha laga helo adeegyadan ee ku yaalla Kakuma.
Ku xigeenka wakiilka hay’adda UN Women laanteeda Kenya ,Idil Absiye ayaa ku baaqday in hay’adaha gargaarka, shirkadaha sida gaarka ah loo leeyahay iyo kuwa ka shaqeeya horumarka ay iska kaashadaan taageeridda bulshada ku nool Kakuma gaar ahaan haweenka iyo gabdhaha.
