Ururka ay ku mideysan yihiin shaqaalaha maqaayadaha , xarumaha tacliinta iyo isbitaallada ee KUDHEIHA ayaa soo saaray digniin ah inay 14 cisho ka dib shaqo joojin ku dhaqaaqayaan.
Waxay digniintan siiyeen maamulka jaamacadda Egerton University oo ay ku eedeynayaan inuunan u hoggaansamin dhaqangelinta heshiis gorgortan ku saleysan oo horay loo gaaray.
Xoghayaha guud ee ururkan ,Albert Njeru ayaa sheegay in maamulka jaamacadda uu dib u dhigay bixinta musharaadka shaqaalaha aan barayaasha ahayn.
Waxaa uu sheegay in haddii aan la bixin guud ahaan musharaadka shaqaalaha sidoo kalena aan la dhaqangelin heshiiskii 2013-2017 in dhammaan howlwadeennada aynan u furnayn waddo kale oo aan ka ahayn inay dhigaan qalabka ay ku shaqeeyaan.
