Madaxa xisbiga ODM Raila Odinga ayaa sheegay in 12-ka bishan ay si rasmi ah u shaacin doonaan musharraxa madaxweyne ee isbeheysiga Azimio.
Xilli uu shalay ku sugnaa ismaamulka Nakuru ayuu ra’iisul wasaarihii hore ee wadanka hoosta ka xarriiqay in musharraxa lagu soo bandhigi doono fagaaraha Jacaranda ee deegaanka Embakasi ee magaalada Nairobi.
Mr. Odinga ayaa taageerayaashiisa u sheegay in isbeheysiga Azimio oo ay ku mideysan yihiin xisbiyada ODM, Jubilee iyo kuwo kale oo yahay mid aan la hor istaagi karin.
Tani ayaa imaanaysa iyadoo dhawaan madaxa xisbiga Wiper Kalonzo Musyoka uu dhigiisa ODM ka dalbaday inuu bisha siddeedaad ee sanadkan ku taageero la wareegidda hoggaanka ugu sarreeya wadanka.
