Madaxweynaha dalka William Ruto ayaa agaasimaha waaxda dacwad oogidda dalka Nuurdiin Xaaji u magacaabay inuu noqdo agaasimaha guud ee xige ee hay’adda sirdoonka qaranka Kenya ee (NIS).
Magacaabista ayaa timid iyadoo uu shaqada agaasimaha guud ee hay’adda NIS ee dalka Janeraal Philip Wachira Kameru, uu xafiiska banneenaya.
Janeraal Kameru ayaa loo magacaabay agaasimaha guud ee hay’adda sirdoonka qaranka bishii Sagaalaad ee sanadkii 2014-kii.
Haddii uu baarlamaanka ansixiyo magacaabistiisa, Nuurdiin Xaaji waxa uu dib ugu laabanaya hay’adda sirdoonka qaranka ee NIS oo uu hore uga soo noqday agaasime ku xigeenka qaybta dambiyada abaabulan ee hay’addan.
Nuurdiin Xaaji ayaa la filayaa in guddiga baarlamaanka qaabilsan arrimaha difaaca iyo xiriirka dibadda ay turxaan bixiyaan ka dibna madaxweynaha uu si rasmi ah xilkaasi ugu magacaabo.
𝐏𝐑𝐄𝐒𝐈𝐃𝐄𝐍𝐓 𝐑𝐔𝐓𝐎 𝐍𝐎𝐌𝐈𝐍𝐀𝐓𝐄𝐒 𝐍𝐄𝐖 𝐃𝐈𝐑𝐄𝐂𝐓𝐎𝐑-𝐆𝐄𝐍𝐄𝐑𝐀𝐋 𝐎𝐅 𝐓𝐇𝐄 𝐍𝐀𝐓𝐈𝐎𝐍𝐀𝐋 𝐈𝐍𝐓𝐄𝐋𝐋𝐈𝐆𝐄𝐍𝐂𝐄 𝐒𝐄𝐑𝐕𝐈𝐂𝐄 (𝐍𝐈𝐒) 𝐀𝐒 𝐇𝐄 𝐌𝐀𝐊𝐄𝐒 𝐂𝐇𝐀𝐍𝐆𝐄𝐒 𝐓𝐎 𝐏𝐑𝐈𝐍𝐂𝐈𝐏𝐀𝐋 𝐒𝐄𝐂𝐑𝐄𝐓𝐀𝐑𝐈𝐄𝐒
President @WilliamsRuto has… pic.twitter.com/zsmfT48sW0
— State House Kenya (@StateHouseKenya) May 16, 2023
