Ku xigeenka hoggaamiyaha xisbiga Jubilee Dr. Fred Matiang’i, ayaa ku boorriyay dhallinyarada inay ka faa’iideystaan tirada badan ee ay leeyihiin, islamarkaana u tartamaan xilalka doorashada ee doorashooyinka guud ee 2027. Waxaa uu sheegay in ka qaybgalka dhallinyarada ee siyaasadda uu muhiim u yahay hoggaaminta dalka iyo horumarinta siyaasadda dhallinyarada ee mustaqbalka.
Matiang’i ayaa carrabka ku adkeeyay in dhallinyarada ay leeyihiin awood codbixineed oo weyn, isla markaana ay tahay fursad ay ku saameyn karaan go’aanada siyaasadeed ee dalka. Waxaa uu ku boorriyay in dhallinyarada aanay ka baqan tartanka, balse ay qaataan doorka hoggaamineed iyagoo adeegsanaya xirfadooda, aqoontooda iyo hal abuurkooda.
Sidoo kale, Matiang’i ayaa tilmaamay in xisbiga Jubilee uu diyaar u yahay inuu taageero dhallinyarada u tartamaya xilalka doorashada, isagoo ballanqaaday in la siin doono tababaro iyo fursado lagu kobcinayo kartidooda siyaasadeed. Waxaa uu carabka ku adkeeyay in ka qaybgalka dhallinyarada uu muhiim u yahay dib u habaynta siyaasadda iyo dhiirrigelinta hoggaamiyeyaasha mustaqbalka.
