Ugu yaraan 7 qof ayaa la dilay, boqolaal xoolo ahna waxaa dhacay kooxo burcad xili ay weerar ku qaadeen qeybo ka mid ah deegaanada Maru iyo Isiolo.
Sida laga soo xigtay Guddoomiyaha Nabadda iyo Xoola-dhaqatada ee Meru, laba qof ayaa lagu dilay deegaanka Igembe, shanta kalena waxaa lagu dilay degmo ka tirsan ismaamulka Isiolo, iyadoo xoolo-dhaqatadu ay isku dayayeen inay soo ceshadaan xoolihii laga xaday.
In ka badan 400 oo xoolo ah ayaa laga xaday Igembe, in ka badan 200 oo xoolo ahna waxaa laga qaatay Tigania ka hor weerar kale oo fiidkii xalay ah oo ka dhacay Degmada Maili Saba, ee ku taala Buuri.
