Maxkamad ku taalla magaalada Nakuru ayaa go’aamisay in lix sarkaal oo ka tirsan Adeegga Duurjoogta dalka ee KWS, oo lagu eedeeyay afduubka nin kalluumeyste ah oo lagu magacaabo Brian Odhiambo, ay leeyihiin dacwad ay ka jawaabaan.
Qoyska Odhiambo ay tilmaameen in go’aankan uu yahay nafis la soo dhoweeyey, islamarkaana ay ka helayaan rajo cusub oo ku saabsan in cadaalad la gaaro.
Brian Odhiambo ayaa la waayay 18-kii Janaayo 2025, iyadoo xaaladaha uu ku lumay aan weli si cad loo shaacin. Qoyska iyo bulshada ayaa ku jira sugitaan iyo walwal la xiriira halka uu ku sugan yahay iyo sidii arrintan cadaalad loo gaarsiin lahaa.
