Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya DHAGEYSO:Raila Odinga oo maanta ku sugan Kakamega

DHAGEYSO:Raila Odinga oo maanta ku sugan Kakamega

Madaxa xisbiga ODM Raila Odinga ayaa gaaray ismaamulka Kakamega ee galbeedka dalka halkaasi oo uu ku qabanaya kulamo kala duwan.
Waxaa uu qorshuhu yahay in abaare 3-da galabnimo ee maanta uu Raila hoggaamiyo isku soo bax siyaasadeed oo ka dhacaya degmada Shiatsala ka hor inta uunan 4-ta galabnimo la kulmin dadweynaha deegaanka Butere ee dowlad deegaankaasi.
Qaar ka mid ah siyaasiyiinta ismaamulka Kakamega oo dhawaan kulan la qaatay hoggaamiyaha ODM ayaa sheegay inay si buuxda u garab taagan yihiin ololihiisa.

Mr. Odinga ayaa qaybaha kala duwan ee wadanka ku maraya socdaallo uu ku xoojinaya ololaha mideynta bulshada ka hor inta uunan 9-ka bisha Diseembar shaacin inuu u tartami doono xilka madaxtinimo sanadka 2022-ka iyo in kale.
Ra’iisul wasaarihii hore ee dalka ayaa shalay xilli uu ku sugnaa magaalada Kitale ee ismaamulka Tranzs Nzoia ballanqaaday in hadii sanadka soo socdo uu ku guulaysto madaxtinimada wadanka, uu muwaadin kasta heli doono caymis caafimaad.
Ku xigeenka madaxweynaha dalka William Ruto ayaa isna maanta ku sugan dowlad deegaanka Murang’a ee gobolka bartamaha wadanka.
Waxaa la filaya inuu shacabka u bandhigo qorshihiisa siyaasadeed ee ku dhisan in kobcinta dhaqaalaha wadanka meel hoose laga soo billaabo iyadoo la taageerayo danyarta , dhallinyarada shaqo la’aanta ah iyo ganacsatada yaryar.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments