Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Madaxweynaha Galmudug oo kulan degdeg ah la yeeshay golihiisa wasiirrada

Madaxweynaha Galmudug oo kulan degdeg ah la yeeshay golihiisa wasiirrada

Madaxweynaha dowlad Goboleedka Galmudug ee bartamaha Soomaaliya Axmad Cabdi Kaariye (Qoor Qoor) ayaa shir guddoomiyay shirka Golaha Wasiirada Galmudug oo xalay ka dhacay Xarunta Madaxtooyada Galmudug ee Magaalada Dhuusamareeb.
Kulanka ayaa diirrada lagu saaray qodobbo ay ka mid ahaayeen Xaaladda guud ee Amniga Galmudug iyo kordhinta dagaalka ka dhanka ah Al-Shabaab.
Waxaa Sidoo kale shirka looga hadlay dardargelinta howlaha Doorashooyinka labada Aqal ee Baarlamaanka Soomaaliya.
Dood iyo falanqayn dheer ka dib Golaha wasiirada ayaa waxaa ay soo saareen qodobada soo socda.
1. Goluhu wuxuu go’aamiyay in la dardargeliyo Sugidda Amniga iyo xasiloonida Galmudug,
2. Goluhu wuxuu ugu baaqay kooxaha ku howlan falalka amni darro inay ka waantoobaan, damacoodana ay ku doonaan si nabad ah.
3. Goluhu wuxuu soo saaray in la dardargeliyo howlaha doorashooyinka iyadoo loo gudbiyay dhinacyada ay khuseyso si ay gutaan waajibaadkooda kaga aadan.
Kulankaan deg dega ahaa oo uu Madaxweynaha Galmudug la yeeshay Golihiisa Wasiirrada ayaa kusoo aadaya xilli Wasiirkii Amniga Maamulkaas uu xilkii iska casilay, islamarkaana Galmudug ay wajaheyso Ururka Ahlusunna oo hubeysan lana wareegay degmada Guriceel ee Gobolka Galgaduud.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments