Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Hoggaamiyaasha ururrada macallimiinta dalka oo laga dalbaday inay is casilaan

Hoggaamiyaasha ururrada macallimiinta dalka oo laga dalbaday inay is casilaan

Qaar ka mid ah xubnaha ururrada barayaasha wadanka ee KNUT iyo KUPPET ayaa mas’uuliyiinta hoggaamiya dalladahan ka dalbaday inay xafiisyada banneeyaan .
Koox ka mid ah macallimiinta oo ay afhayeen u tahay Martha Omollo ayaa sheegaya in madaxda sare ee KUPPET ay ku fashilmeen inay u ololeeyaan danaha barayaasha.
Waxay ku doodayaan in aan laga soo horjeedsan barnaamijka horumarinta tayada macallimiinta ee (TPD) oo ay sheegayaan in qarashaad uga baxayo.
Madaxda KNUT iyo KUPPET ayaa dhanka kale lagu dhaliilay inay heshiis la saxiixdeen guddiga adeegga macallimiinta ee TSC iyadoo aan lagu saleyn rabitaanka barayaasha.
Sidoo kale kooxda dalabaadka soo saartay ayaa sheegaysa in KUPPET ay weli hoggaamiyaan siyaasiyiin iyo macallimiin horay howlgab u noqday.
Hasa ahaate waxaa tani beeniyay xoghayaha guud ee ururkan Akelo Misori oo sheegay in da’da kama dambeyska ah ee ay ku shaqeyn karaan ay tahay 65 sano taasoo ilaa iyo hadda uunan jirin mas’uul gaaray.
Xoghayaha guud ee ururka qaran ee macallimiinta ee KNUT Collins Oyuu ayaa dhankiisa lagu eedeyay inuusan dastuurka u hoggaansamin in kastoo uunan weli dhaliishan qiran ama iska fogeyn.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments