Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Ciidamada ammaanka qoryooley oo qabtay dad hilib Waraabe ka ganacsanayay

Ciidamada ammaanka qoryooley oo qabtay dad hilib Waraabe ka ganacsanayay

Laamaha Amniga Degmada Qoryooleey ee Gobolka Shabeellaha Hoose ee koonfurta dalka Soomaaliya ayaa sheegay inay howlgal ay ka sameeyeen suuqyada degmadaas ay gacanta ku soo dhigeen Shakhsiyaad Hilibka Waraabaha ku dhex iibinayay Gudaha Suuqa degmada Qoryooleey si qarsoodi ah, iyagoo ku dhex qariyay Hilbka Xoolaha.
Saraakiil ka tirsan Ciidamada Ammaanka degmada Qoryooleey ayaa warbaahinta gudaha u soo bandhigay Hilibka Waraabaha iyo Shaqsigii ka Ganacsanayay oo kamid ah dadka kunool degmada Qoryooleey ee Gobolka Shabeellaha Hoose.
Taliye kuxigeenka Ciidanka Amniga degmada Qoryooleey Ibraahim Hadaafow ayaa sheegay in Ciidamada Ammaanka oo heegan kujiray ay dhacdhadaan ka warheleen ka dibna ay bilaabeen howlgalka gacanta loogu soo dhigay Hilibka waraabaha iyo dadkii kaganacsanayay.
Guddoomiyaha degmada Qoryooleey Sayid Cali Ibraahim Xasan ayaa dhankiisa Ciidamada Ammaanka ku bogaadiyay howsha ay bulshada u hayaan iyo sida ay mar waliba ugu jiraan ilaalinta amniga iyo badqabka Shacabka.
Waxaa uu Shacabka ku nool degmada Qoryooleey iyo deegaanada kale ee hoos yimaada ka dalbaday inay la Shaqeeyaan Ciidamada Amniga.
Dadweynaha ku nool degmada Qoryooleey ee Gobolka Shabeellaha Hoose ayaa saacadihii la soo dhaafay aad u hadal haayay Hilibka Waraabaha oo la sheegay in lagu iibinayay Kawaanka degmada, iyagoona hadda shaki weyn ka muujiyay hilibka halkaas lagu iibiyo.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments