Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Yaa dilay gabadhii la la'a ee ka tirsaneyd hay'adda NISA?

Yaa dilay gabadhii la la’a ee ka tirsaneyd hay’adda NISA?

Hay’adda Nabad-Sugida iyo Sirdoonka Qaranka Soomaaliya ee NISA ayaa sheegtay in kooxda Al-Shabaab ay dileen Ikraan Tahliil Faarax, oo ahayd gabar ka tirsan hay’adda oo la la’a tan iyo 26-kii bishiiLixaad ee sanadkan
Ikraan ayaa muuqaal la duubay 26-kii bishii Lixaad wuxuu muujinayey inay gaari ka raacday gurigeeda oo ku dhow xarunta NISA ee Muqdisho, waxaana horay waalidkeed ay u sheegeen inay wateen dad ka tirsan hay’adda.
“HSNQ dabagal ay samaysay oo muddo socday ka dib, ayaa lagu helay warbixin mujinaysa in ay u gacan gashay kooxda Al-Shabaab, ka ddibna ay dileen,” ayaa lagu yiri qoraal lagu baahiyey warbaahinta dowladda federaalka Soomaaliya.
Qoraalka ayaa intaas ku daray “Hay’adda Sirdoonka iyo Nabad-Sugidda Qaranka ayaa gal-baariseedka kiiska Ikraan oo faah-faahsan ku wareejisay hay’adaha ay khuseyso.
Waxaa sidoo kale ay Hay’adda Sirdoonka Qaranku la wadaagtay warbixintan qoyskeeda.
Kooxda Al-Shabaab weli kama hadal warka kasoo baxay NISA ee lagu sheegay inay dileen Ikraan.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments