Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Moses Kuria oo sheegay in sanadka 2022-ka uunan xil hoggaan u tartami...

Moses Kuria oo sheegay in sanadka 2022-ka uunan xil hoggaan u tartami doonin

Xildhibaanka laga soo doortay deegaan baarlamaaneedka koonfurta Gatundu ee ismaamulka Kiambu Moses Kuria ayaa sheegay inuusan wax kursi ah raadin doonin marka la gaaro sanadka 2022-ka oo ay dalka ka dhici doonto doorashada guud.
Xildhibaankan oo sidoo kale ah hoggaamiyaha xisbiga Chama cha Kazi ayaa sheegay inuu mudnaanta koowaad siinaya midaynta hoggaamiyeyaasha gobolka bartamaha dalka.
Waxaa uu Mr. Kuria tilmaamay inuu musharraxiinta u tartamaya xilka madaxtinimo kala xaajoon doono heshiiska ugu wanaagsan ee gobolka ay dani ugu jirto.
Waxaa uu hoosta ka xarriiqay inuu la kulmi doono mas’uuliyiinta kala duwan sida wakiillada goleyaasha hoose, barasaabyada maamul goboleedyada iyo xildhibaanada baarlamaanka.
Xildhibaan Moses Kuria ayaa sheegay in gobolka bartamaha dalka oo ay ku nool yihiin codbixiyayaal badan ay qasab tahay in dhammaan doodaha lagu darro dhinacyada kala duwan sidoo kalena lagu soo dhaweeyo miiska wada hadallada kuwa mustaqbalka u taagan qabashada hoggaanka wadanka.
Waxaa uu xusay inuusan jirin hal musharrax oo lagu kalsoon yahay inuu si buuxda ugu soo bixi karo guud ahaan codadka ay dhiibanayaan bulshada gobolka bartamaha wadanka.
Hoggaamiyaha xisbiga CCK Moses Kuria, dhigiisa TSP Mwangi Kiunjuri iyo madaxa xisbiga NARC Kenya Martha Karua ayaa billaabay qorshaha midnimada xisbiyada siyaasadeed ee gobolka Mt. Kenya ka dib markii ay ku gacan sayreen inay xisbiyadooda burburiyaan oo ay ku biraan xisbiga UDA ee ku midaysan yihiin siyaasiyiinta taageersan madaxweyne ku xigeenka dalka William Ruto sidoo kalena sanadka soo socdo ku matali doono loolanka madaxtinimo ee dalka.

 

LEAVE A REPLY

Please enter your comment!
Please enter your name here

- Advertisment -

Most Popular

Recent Comments