Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka UNHCR oo ka digaysa xaaladda biniaadanimo ee Afghanistan

UNHCR oo ka digaysa xaaladda biniaadanimo ee Afghanistan

Ayadoo lagu wado in maalmaha soo socda ay soo afjaranto daad guraynta ka socota dalka Afghanistan ayaa waxay hay’adda qaramada midoobay u qaabilsan arrimaha qaxootiga ee UNHCR ay hadda sheegaysaa in malaayiin qof oo reer Afghanistan ah ay wajahayaan xaalado biniaadanimo oo aad u daran.
Isniinta maanta ah ayay UNHCR sheegtay in 39 milyan oo qof oo reer Afghanistan ah ay gurmad u baahan yihiin waxayna hay’addu codsatay taageero dheeraad ah.
Jimcadii hore UNHCR waxay shaacisay in ilaa 500,000 oo reer Afghanistan ah ay dalkooda isaga carari karaan dhammaadka sannadkaan.
Filippo Grandi, oo ah Wakiilka Sare ee hay’adda ayaa ku celceliyay baaqa ah in xudduudadu ay noqdaan kuwo furan oo dalal badan ay la wadaagaan mas’uuliyaddaan bani’aadamnimo wadamada Iran iyo Pakistan oo horey u martigeliyay 2.2 milyan oo reer Afghanistan ah.
Waxaa uu Grandi ugu danbeyntii ku baaqay in meel looga soo wada jeesto waxa uu ugu yeeray dhibaato aad u weyn oo biniaadanimo taasoo ka billaabanaysa wadanka Afghanistan ee bartamihii bishaan gacanta u gashay kooxda Taalibaan ee 20-ka sano ay ciidamada shisheeye dagaalka kula jireen.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments