Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka Kooxda Taliban oo ugu baaqday xirfadlayaasha inaysan Afganistan ka bixin

Kooxda Taliban oo ugu baaqday xirfadlayaasha inaysan Afganistan ka bixin

Talibanka ayaa Talaadada maanta ah ku boorriyay dadka reer Afqaanistaan ee xirfadda leh inaysan ka cararin dalka, maaddaama hoggaamiyeyaasha cusub ee Afghanistan ay uga digeen Mareykanka iyo xulafadiisa NATO inaysan aqbali doonin in la kordhiyo waqtiga kama dambaysta ah ee daadgureynta – xitaa sida waddamada reer Galbeedka ay sheegeen in waqtigu sii dhammaanayo.
Afhayeen u hadlay kooxda Taliban ayaa u sheegay Ameerika inay joojiso qaadista ama daadgureynta “khubarada Afgaanistaan” sida injineerada iyo dhakhaatiirta dalka
Dhinaca kale Madaxa xuquuqul aadanaha ee qaramada midoobey Michelle Bachelet ayaa walaac xooggan ka muujisay xaaladda dalka Afghanistan iyo sida uu ururka Taalibaan ula dhaqmaya haweenka.
Waxaa ay kooxda Taalibaan ku boorrisay inay dhowraan ballanqaadyadii ahaa in la ixtiraamo xuquuqda haweenka iyo gabdhaha.
Ms. Michelle Bachelet ayaa hadalkan ka sheegtay fadhigii gaarka ahaa ee golaha xuquuqda aadanaha ee qaramada midoobay oo diiradda lagu saaray xaaladda Afghanistan.
Dhanka kale, qiyaastii 16,000 oo qof ayaa laga daadgureeyay wadanka Afghanistan 24 -kii saac ee la soo dhaafay, sida ay sheegtay waaxda difaaca Mareykanka ee Pentagon-ka.

 

LEAVE A REPLY

Please enter your comment!
Please enter your name here

- Advertisment -

Most Popular

Recent Comments